पोएर्टी ऑफ़ कागज़ | Poetry Of Kaagaz | Salman Khan | Pankaj Tripathi

• Movie : Kaagaz
• Song : Poetry Of Kaagaz
• Singer : Salman Khan
• Lyrics : Aseem Ahmed Abbasee
• Music : Rahul Zain
• Label : Salman Khan Film

Poetry Of Kaagaz Lyrics​

Kuchh nahi hai, Magar hai sab kuchh bhi

Kya ajab cheez hai ye kaagaz bhi

Baarishon mein naav kaagaz ki

Sardiyon mein aalav kaagaz ki

Aasman mein patang kaagaz ki

Saari duniya mein jang kaagaz ki

Kabhi akhbaar, Kabhi khat kaagaz

Roj marrah ki zarurat kaagaz

Aane jaane ki sahulat kaagaz

Jeene marne ki izajat kaagaz

Pyaar ki chitthiyan bhi kaagaz ki

Kaam ki arziyaan bhi kaagaz ki

Jashn mein jhandiya bhi kaagaz ki

Jism ki mandiyan bhi kaagaz ki

Bane naato ka bhi gawaah: Kaagaz

Kahin shaadi, Kahin niqaah : Kaagaz

Kahin talak ki gunaah : Kaagaz

Banaaye aur kare tabaah : Kaagaz

Not kaagaz, Kitaab hai kaagaz

Sabki aankhon ka khwaab hai kaagaz

Mazhabon ka hisaab hai kaagaz

Raham kaagaz, Ajaab hai kaagaz

Chheen le khet, Ghar, Zami, kaagaz

Ponche aankho ki bhi nami kaagaz

Har jagah youn hai laazmi kaagaz

Jaise ghar ka hai Aadmi kaagaz

Kuchh nah hai, Magar hai sab kuchh bhi

Kya ajab cheez hai ye kaagaz bhi